Bitxikeriak

Bitxikeriak

Banderina

Banderin berriak, 1991tik, Konpainia izena gaztelaniaz eta euskaraz eramaten du.

2006an, Konpainiaren 125. urteurrena zela eta, Satur Ibargoyen Jeneralak erremate urreztatuaren (Gabriel Narzabal eskultorearen oparia) ondoan lokarri ikusgarria ezarri zion.

Banderin zaharrari buruz istorio bitxi bat kontatzen da. 50eko hamarkadan "gomendagarria" zen banderin guztiek puntan kolore gorri eta hori koloreko zinta bat eramatea.

Halako batean norbaitek pentsatu zuen gure benderinak garbiketa bat behar zuela eta horregatik Udalari baimena eskatu zitzaion tindategira eramateko. Kontua da urte hartako San Martzial egunean kolore biko zinta zoragarriaren ordez, gorri koloreko beste bat jarri zutela. Gaur arte.

(Argazkia: Estudio Gover)

Kantinera

Anakako Konpainiako gainerako kideak bezala, kantineraren postua azpimarratzeko postu bat da. Maiatzero neska gazte batek jasotzen du albistea Konpainiako kapitainaren eskutik. Une horretatik gure historiaren parte da.

Gure historiaren zati bat Hondarribiko Alardearen Jaizubia Konpainiarekin izandako harremana ere da. Bi konpainiek urte luzez konpartitu zuten kantineraren jantzia, baina 1943an, Anakak bere jantzi propioa egin zuen bizilagun askoren laguntza ekonomikoari esker. Hemen Anakako kantinera jantziaren istorioa.

Kantinera batentzat unerik intimoenetako bat San Martzial egunaren goizaldean izaten da. Gure 2019ko kantineraren, Alazne Arteaga Vazquezen, une horretako galeria txiki bat ikusi nahi duzu? Sakatu hemen.

Peña-Enea

Peña-Enea leku enblematikoa da Anaka Konpainiarentzat. Antzina-antzinatik San Martzial egunaren goizaldeko abiapuntua izan da.

Jaizubiako Konpainia Anakakoarekin lotzen duten adiskidetasun harreman maitagarriak direla eta, eta antzina elkarrekin egin zituzten Alardeak kontuan hartuta, litekeena da bi auzoen arteko mugatik gertuen dagoen topagune bat bilatzea.

Hori gogoratzeko, Konpainiaren 125. urteurrenaren harira antolatutako ekitaldien barruan, plaka oroigarri bat jarri zen baserriaren fatxadan, "Anaka 1881 Enparantza Topagunea" inskripzioarekin.

Urrean grabatua

Duela urte batzuetatik hona, entsegu estraofizialetako batean Anaka Konpainiako soldadu batek, Danieltxo Fernandez sarjentuak, aukeratutako kantinerari ezusteko bat prestatzen dio.

Kantinerak, falkoneriako larruzko eskularru handi bat jarri ondoren, bere besorantz hegaldatzen ikusten du hegodun ale eder bat -batzuetan hontz bat, beste batzuetan arrano bat-, aurreko urteko Konpainiako kantineraren besotik aireratu dena. Bere atzaparretan pakete txiki bat lotuta darama.

Urrezko zintzilikari baliotsu bat da, Konpainiaren armarriarekin grabatua eta kantineraren izena atzealdean duena.

CDaren grabaketa
"Konpainien musika" CDaren grabazioa oso arrakastatsua izan zen, konpainia ezberdinen Dianak bildu eta San Martzial egunean interpretatzen diren martxa guztiak elkartzen baizuen: Alborada, Arrankada, Teiro, Rataplan...

Irungo "Irudi Hotz" estudioetan grabatu zen eta Jose Mª Irastorza zuzendaritza teknikoa izan zen.

Anaka 1881 Kultur Elkarteak eta Txingudi Merkataritza Parkeak, babesle izan zena, milaka ale doan banatzea posible egin zuten.

CDaren bigarren edizioa 2008an egin zen.

Anaka kontzertuan

2001eko ekainaren 16an, Irun Hiria Musika Bandak eskainitako kontzertu berezia ospatu zen Zabaltza plazan. Musika Bandak oroigarri polit bat eman zigun.

Interpretatutako obren artean Joaquin Silgueroren konposizio bat zegoen, eta horretarako danborrak, txilibituak eta eskopeta tiroak sartu behar ziren.

'Los Sanmarciales' lanak, J. Silguerok 1.000 lanordu baino gehiago eskaini zizkiona, bi zati desberdin ditu.

Bigarren zatia, 'Ekainaren 30ean Irunen' izenburupean, Silguerok musikaren bidez San Martzial eguneko martxen notak adierazten dituen zatia da, eskopeta tiroen eta danbor soinuen artean. Eta han izan zen Anaka.
Pasadizioak
Gure bisitarientzat Anaka Konpainiaren aurreko webguneko atalik nabarmenetako bat San Martzial eguneko Konpainiaren pasadizoak biltzen zituena zen.

Berreskuratu egin ditugu, eta berriro gogoratu nahi badituzu, hemen klikatu eta gozatu besterik ez duzu egin behar.

Jeneralak eta Komandanteak Anakan

Hemerotekak huts egiten ez badigu, San Martzial Alardeko bi jeneralek aurretik Anaka Konpainian desfilatu dute, gainera biak Anakako kapitainak izanik. Infanteriako bi Komandantek ere parte hartu dute gure konpainian.

Horiei buruz gehiago jakin nahi baduzu, klikatu haien izenen gainean:
Eta, gainera, ikusi nahi al duzu Jeneral bat nola prestatzen den San Martzial egunean? Hona hemen 2015eko galeria txiki bat, Iñaki Arruabarrena San Martzial Alardearen arduradun nagusiarekin.

(Argazkia: Estudio Gover)
1997
1997. urtea garrantzitsua izan zen Anaka Konpainiarentzat: liburu bat eta bideo bat editatu eta argitaratu zituen.

"Anaka y Compañía - Anaka eta gure bizialdia" izenburupean, liburuak berrehun argazki baino gehiago eta hogeita hamar bat artikulu biltzen ditu laurogei orritan. Konpainiako Batzordeak editatu zuen eta "Gráficas Anaka"-k inprimatu zuen 1997ko ekainean.

Liburua oinarritzat hartuta, "Gogoratu gurekin" bideoan Anaka Konpainiaren ehun urteko historiako lekukoak, irudiak eta argazkiak grabatuta geratu ziren.

Liburua deskargatu nahi baduzu, sakatu hemen.

Bideoa gure YouTubeko kanalean dago, hemen.
igo
Share by: